စိတ်ကူးတစ်ခုရဲ့ ရူးသွပ်ခြင်း

posted under by chitsanm
ဆည်းဆာချိန်ရဲ့ နေရောင်ခြည်အလင်းတန်းလေး များက တိမ်တိုက်ကလေးများကြားမှ မ၀ံ့မရဲအ ကြည့်လေးနဲ့ ရေပြင်ကျယ်ကျယ်နဲ့ စိမ်းလန်းစိုပြေ နေတဲ့ အပင်လေးများတည်ရှိရာ ကမ်းစပ်ကလေး ရဲ့ တစ်နေရာမှာ ကြည်နူးမှုအပြည့်နဲ့ ရှိနေကြတဲ့ ချစ်သူနဲ့ ကျွန်တော့်ကိုမြင်ပြီး နှစ်လိုအားမရဖြစ် ကာ အေးစိမ့်ငြိမ်သက်နေတဲ့ ရေပြင်ညီလေးကို နမ်းရှိုက်မိလေသလား..။

အေးမြတဲ့ ရေပြင်ညီလေးပေါ်မှဖြတ်သန်းတိုက် ခတ်လာတဲ့ လေပြေလေညှင်းလေးများကလည်း ကမ်းစပ်မှာရှိတဲ့ အရောင်အမျိုးမျိုး၊ အပွင့်အမျိုးမျိုး ဖူးပွင့်နေရှာတဲ့ ပန်းပင်ငယ်လေးများအား ``ကြည် နူးမှုတွေအပြည့်ရှိနေကြတဲ့ ချစ်သူနှစ်ဦးကိုကြည့် ကြပါအုံးလော့´´ဟု လှုံ့ဆော်အသိပေးနေသည့် အလား..။

နားခိုရာ ငှက်မောင်နှံလေးတွေကလည်း ချစ်သူနဲ့ကျွန်တော် အချစ်ချင်းပြိုင်ဆိုင်နေကြပုံကို မြင်ပြီး နှစ်သက်ကြည်နူး၍ သူတို့ရဲ့နားဝင်ချိုိဖွယ် တေးချင်းလေးများနှင့်အတူ ဂုဏ်ယူအား ပေးနေကြသည့်အသွင်..။

ချစ်သူသာလျှင် ကျွန်တော့်အတွက် အနက်ရှိုင်းဆုံးအချစ်တွေကို ဖန်ဆင်းပေးစွမ်းနိုင်သူပါ။ ချစ်သူရဲ့ သွယ်လျလျလက်ချောင်းလေးများအစုံကို ဆုတ်ကိုင်ပြီး၊ ဘ၀အတွက် အားမာန် သစ်တွေကိုတဖန် မွေးမိပါရောလား။ ချစ်သူရဲ့ နဖူးပြင်ထက်က ဆံနွယ်ခက်ကလေးများကို သပ်တင်ပြီး နူးညံ့ပျော့အိနေတဲ့ ချစ်သူရဲ့ပါးပြင်လေးကို နမ်းရှိုက်ထိတွေ့မိတဲ့အချိန်မှာ ချစ်သူအတွက်ကြင်နာမှုများစွာကို ထပ်ကာတိုး၍ ချစ်လိုက်မိပေါ့။ ချစ်သူရဲ့ ပန်းနုရောင် နှုတ်ခမ်းလေးနားအရောက် ချစ်သူရဲ့နှုတ်ခမ်းအစုံမှ လေသံဖွဖွလေးနဲ့ ထွက်ပေါ်လာတဲ့စကား လေးက ကျွန်တော့်ကိုသိပ်ချစ်တယ်တဲ့လေ။ ချစ်သူရဲ့ မျက်ဝန်းအစုံမှ ကျရောက်လာတဲ့ အလှဆုံးအပြုံလေးက ကျွန်တော်နဲ့အတူချစ်ကမ္ဘာလေးတစ်ခု တည်ဆောက်ကြရအောင်တဲ့။ ချစ်သူရဲ့ခွန်အားအစုံက ကျွန်တော့်ရဲ့ရင်ခွင်ထဲသို့ကျရောက်လာပြီး တီးတိုးရေရွတ်ကြား လိုက်ရတဲ့စကားလေးက ကျွန်တော့်ကို သူ့အနားမှာ အမြဲရှိစေချင်တယ်တဲ့လေ..။

လှပလွန်းတဲ့ ဆည်းဆာလေးကို ပျောက်ဆုံးသွားမှာ စိုးရိမ်မိတယ်ကွယ်။ ဒါပေမဲ့လည်း ချစ်သူနဲ့အတူနေရဖို့အတွက် ဆုံးဖြတ်ချက်အခိုင်အမာချဖို့ရန် ကြိုးစားနေရတဲ့အချိန်မို့ ခဏ သာခွဲခွာရဦးမှာပဲလေ..။

ချစ်သူနဲ့ ခေတ္တခွဲခွာချိန်လေးမှာ နှုတ်ဆက်အနမ်းပေးဖို့ရန်အတွက် ချစ်သူရဲ့ပါးပြင်လေးကို နမ်းရှိုက်လိုက်မိကာ စူးရှရှအပူရှိန်ကိုခံစားလိုက်မိကာမှ သြော်.... ငါ့ရဲ့စိတ်ကူးအတွေးတွေ နယ်ချဲ့နေတာပါလား။ ငါ့အပေါ်မှာ ကျရောက်နေတာ အရှိန်ပြင်းပြင်းနေရောင်ခြည်တွေ။ စူးရှရှနေရောင်ခြည်တွေက ``ချစ်သူတွေကြည်နူးကြတဲ့ ဒီနေရာမှာ ချစ်သူမရှိတဲ့သူ လာရသလား´´ဆိုပြီး ဒေါသအဟုန်ဖြင့် အပူတွေကိုအစွမ်းကုန်ထုတ်လွှတ်ပေးနေရော့ သလား..။

ဆူပွက်လုနီးပါး ပူလောင်နေတဲ့ရေပြင်ကို ဖြတ်ကျော်ပြီးတိုက်ခတ်လာတဲ့ လေပြင်းကလည်း ``ချစ်သူမရှိတဲ့သူအတွက်´´ဆိုပြီး လေအဟုန်ပြင်းပြင်းတိုက်ခတ်ကာ ကမ်းစမ်းနှင့်အနီးအနား မှာရှိ အပင်တွေကို လှောင်ပြောင်စေပြီး၊ ``ချစ်သူမရှိတဲ့သူ့ကို မောင်းထုတ်လိုက်တော့ ဟေ့...´´လို့ ကြွေးကြော်နေကြသည့်အလား..။

နားခိုရာ ငှက်မောင်နှံလေးတွေကလည်း ``ချစ်သူမရှိတဲ့သူ့ကိုမြင်ရတာ ငါတို့အတွက် နိမိတ် မကောင်းဘူး..´´။ ``ဒီနေရာကနေပြီးထွက်ခွာသွားအောင် အသံကုန်ဟစ်လိုက်မှ´´ ဆိုပြီး ငှက်မောင်နှံတွေရဲ့ ငြူစူကြိမ်းမောင်းမှုကို ခံနေရသည်အလား..။

ဟုတ်တော့လည်း ဟုတ်ပါတယ်လေ။ ငါ့မှာချစ်သူမှမရှိတာပဲ။ ချစ်သူမရှိတဲ့ ငါ့အတွက် အရာရာတိုင်းဟာ လှပနိုင်ပါ့မလား။ ချစ်သူရဖို့အရေးကြိုးပမ်းခဲ့သမျှလည်း မည်သူကမျှ အလေးအနက်ထားပြီး နှလုံးအိမ်ထဲသို့ ထည့်သွင်းတွေးတောပေးဟန်မရှိကြ။ ``အင်း... ရှိပါစေတော့´´ငါပိုင်ဆိုင်ထားတဲ့ ငါ့ရဲ့အချစ်တွေဟာ ခါးတီးလွန်းတဲ့အသွင်ဖြစ်နေလို့ပဲရှိမှာ ပေါ့။ ရှေ့ဆက်ပြီး စွမ်းအားအပြည့်နဲ့ မျှော်လင့်ဖို့ဆိုတာလည်း မဖြစ်နိုင်တော့ပါဘူး။ မျှော်လင့်ချက်နဲ့ တမ်းတမှုတစ်ခုတော့ တည်ရှိနေချင်သေးတယ်။ ``ငါ့ရဲ့ စိတ်ကူးယဉ် အတွေးလေးအတိုင်း ငါ့ရဲ့အချစ်လောကမှာဖြစ်လာနိုင်ပါအုံးမလား......´´။

1 comments

Make A Comment
top