``လမ်းပြမယ့် ရင်ခွင်သစ်´´

posted under by chitsanm

အချစ်စစ်အမှန်ကို
အပြစ်သင့် မကျန်ခဲ့စေချင်ဘူး... ချစ်သူ...။

ကိုယ့်ရင်ခွင်ထဲ မင်းအချစ်အရောက်
ပျောက်ရှာနေတဲ့ ကိုယ့်ရဲ့မျှော်လင့်ချက်လေးတွေ
ပေါ်လွင်ထင်ရှားလာတာဟာ အချစ်ရဲ့အကြင်နာများနဲ့
ဖန်ဆင်းခဲ့လေသလား ချစ်သူ...။

အယူမူဝါဒ ကွဲလွဲခဲ့ရင်တောင်
တဒင်္ဂအတွက်မဟုတ်ဘဲ ထာဝရအတွက်
ထပ်တူတကျ မှတ်ယူကြပါစို့ ချစ်သူ....။

အသစ်အသစ်အချစ်တွေနဲ့ တရစ်ရစ်နွယ်ယှက်ပြီး
ဖလှယ်ခဲ့တဲ့ သံယောဇဉ်မြစ်နှစ်စင်းရဲ့ မေတ္တာရေလှိုင်းလေးတွေကို
ခရီးကျောနှင်ကာ စီးနင်းလိုက်ပါရင်း
အချစ်ဆိုတဲ့ ထာဝရခရီးလမ်းရှည်ကြီးအပေါ်မှာ
အတူလျှောက်လှမ်းကြပါစို့ ချစ်သူရယ်...။ ။

Written by
ချစ်စမ်း

``အစမ်းသပ်ခံ ရောင်စင်မဲ့နှလုံးသား´´

posted under by chitsanm


မပီပြင်ဝိုးတ၀ါး မကြည်လင်ဆိုးရွားလှတဲ့
အိပ်မက်ရက်ရှည် ညများစွာရဲ့အလယ်မှာ
အတိတ်ရဲ့အဖြေကို
ပြန်ရှာမိကာ အခါခါပေါ့...။

ချစ်သူရဲ့ ကြည်လင်ရိုးရှင်းလှတဲ့ အဖြေမှန်တစ်ခုအတွက်
အသက်ထက်မြတ်နိုး ချစ်ခဲ့သော်လည်း
အချစ်အတွက် အပြစ်မဲ့တဲ့ဒီလူ့နှလုံးသားကိုမှ
မညှာတာခဲ့...။

အချစ်မဲ့ စကားတွေကို ရွတ်ဆိုပြတတ်သူရဲ့
နှစ်သိမ့်သံစဉ်လေးတွေရဲ့အလယ်မှာ
ကြယ်တာရာ မလင်းလက်တဲ့ လမိုက်ည
မိုးမှောင်ကျခဲ့တဲ့ ဒီလူ့နှလုံးသားကို
မင်းအတွက် အပြီးအပိုင် စတေးခဲ့လိုက်ပါပြီ
ချစ်ရတဲ့သူရယ်...။ ။

Written by
ချစ်စမ်း

``အစမ်းသပ်ခံ ရင်ခွင်မဲ့နှလုံးသား´´

posted under by chitsanm
အပြုံးပန်းတစ်ရာ မယာမဒီရဲ့
ဆွဲဆောင်မှုကြောင့်
အချစ်ဆိုတဲ့ ``အ´´ ``ချစ်´´စိတ်ကြောင့်
အညှာမညောင်း အသီးမရင့်ခင်မှာပဲ
မြေ၀ယ်ခညောင်း
ကြွေကြခဲ့ဖူးပြီ...။

အနှစ်မပါတဲ့ အချစ်တွေကို
အပြစ်မဖွဲ့ အချစ်စစ်သကဲ့သို့
ရစ်ဖွဲ့နှောင်ခဲ့သံယောဇဉ် အဖြစ်တွေကြောင့်
မထီမဲ့မြင် ကျီစယ်ပြုကာ စော်ကားခံခဲ့ရဖူးပြီ...။

ခပ်လှလှမဒီတစ်ပါးကို စွဲလန်းတမ်းတမိလို့
ကြိုးကိုင်နေသူ ထိုမဒီရဲ့ ဖြတ်တောက်မှုကြောင့်
ရုပ်သေးကြိုးပြတ် ဖြေဆည်ချိန်ကင်းမဲ့လောက်အောင်ထိ
အတုံးအရုန်း လဲကျခဲ့ဖူးပြီ...။

သံယောဇဉ် ချုပ်ငြိမ်းလွန်းလှတဲ့
ဒီအချစ်ရဲ့ ပဟေဠိ ပုစ္ဆာတွေကို
မဖြေဆိုနိုင်တော့တာ ငါ့ရဲ့ အပြစ်လား....။


Written by
ချစ်စမ်း

ကဗျာကဏ္ဍ(၁၆)

posted under by chitsanm

``မိုက်ရူးရဲ အချစ်´´

ပုံသဏ္ဌာန်မူခြားနားတဲ့
ထောင့်မှန်စတုဂံတစ်ခုနဲ့
သုံးနားညီတြိဂံတစ်ခုတို့ ပေါင်းစပ်ပြီး
စက်ဝိုင်းအသွင်သဏ္ဌာန် ပေါ်ထွက်လာဖို့အတွက်
မဖြစ်နိုင်မှန်း သိသိနဲ့…။

နွေကန္တာရဲ့ ခြောက်သွေ့ရွက်ကြွေပင်တွေအကြား
ဥသြငှက်ငယ်ရဲ့ လွမ်းတေးသံတွေရဲ့အလယ်မှာ
ဆွတ်ပျံ့စိုစွတ်မှုအတိ ပေးစွမ်းနိုင်မယ့်
ချိန်ခါသင့်မိုးကြီး ရွာသွန်းဖို့အတွက်
မဖြစ်နိုင်မှန်း သိသိနဲ့…။

မတူညီတဲ့ အလွှာပေါင်းများစွာ တားဆီးထားတဲ့
မင်းနဲ့ကိုယ့်ရဲ့ကြားမှာ ``အချစ်´´ဆိုတဲ့
စကားလေးတစ်လုံးဟာ ကိုယ့်အတွက်
မဖြစ်နိုင်(မထိုက်တန်)မှန်း သိသိနဲ့…။

ကိုယ့်ရဲ့ခြောက်သွေ့ကမ္ဘာလေးထဲကို
မင်းရဲ့ အချစ်မိုးလေး ရွာသွန်းဖြိုးဖို့ တောင်းခံနေမိသူ
ငါလို (အချစ်မိုက်ရူးရဲဆန်တဲ့) ငမိုက်သား တစ်ယောက်စာ
မင်းရဲ့ နှလုံးသားထောင့်တစ်နေရာမှာ
ထာဝရရှင်သန်ခွင့် မျှော်လင့်ချက်လေးအတွက်
ဖြစ်နိုင်ပါဦးမလား…။


Written by
ချစ်စမ်း
ီ

ကဗျာကဏ္ဍ(၁၅)

posted under by chitsanm

``ငါ…နဲ့ ဆန္ဒ´´

ငါ…
ရယူနေချင်တတ်ပြီ…
ဟိုး… ဝေးဝေးက မမျှော်လင့် မတမ်းတကောင်းတဲ့
ကြယ်စင်လေးကိုပေါ့…။

ငါ…
သတိရစွဲလန်းနေတတ်ပြီ…
ဟိုး… ဝေးဝေးက မပိုင်ဆိုင်ထိုက်တဲ့
လှရွယ်ပျိုဖြူလေးတစ်ယောက်ကို အရူးအမူးချစ်မိနေလို့ပေါ့…။

ငါ…
မျှော်လင့်နေတတ်ပြီ…
ဟိုး… ဝေးဝေးက စိမ်းကားဟန် နိမိတ်ပြနေတတ်သူလေးရဲ့
သမင်လည်ပြန်အကြည့်လေးကို
ပိုင်ဆိုင်နိုင်မယ့် နေ့လေးတစ်နေ့ကိုပေါ့…။

ငါ…
ကြည်နူးနေတတ်ပြီ…
ဟိုး… ဝေးဝေးက ချစ်ရသူရဲ့နှုတ်ခမ်းအစုံမှ ထွက်ပေါ်လာတဲ့
``သတိရနေပါတယ်´´ဆိုတဲ့
ဖြေသိမ့်မှုအပြည့် ပါဝင်နေတဲ့စကားလေးကိုပေါ့…။

ငါ…
အမြဲကြားချင်နေတတ်ပြီ…
ဟိုး… ဝေးဝေးက ချစ်ရတဲ့သူမှ
ကြင်နာယုယမှုအပြည့်နဲ့ ထွက်ပေါ်လာမယ့်
``ချစ်နေပါတယ်´´ဆိုတဲ့
သံယောဇဉ် အချစ်စကားလေးကိုပေါ့…။

Written by
ချစ်စမ်း

ကဗျာကဏ္ဍ(၁၄)

posted under by chitsanm

``ငါသည်ချစ်မိ အပြစ်ရှိ´´

အလွမ်းနိဂုံးအဆုံးသတ်ဖို့ အပြုံးတပ်ပြီး
အထီးမကျန်ရက်ပါဘူး…။
ရင်ထဲမှခံစားချက်အတိန်အနက်တွေကြောင့် ဖြစ်ပေါ်လာတဲ့
အနက်ရှိုင်းဆုံး နှလုံးသားရဲ့လိုအင်ဆန္ဒတွေကို
မငြင်းဆန်ရက်ပါဘူး…။

ချစ်ရတဲ့သူရဲ့ နှုတ်ခမ်းအစုံမှ
မနှစ်မြို့ဖွယ်ရာ တုန့်ပြန်မှုစကားလေးတွေရဲ့ အဖြေမှန်ကို
အပြစ်မမြင်ရက်ပါဘူး…။

ချစ်မိသူ ငါ့ကိုသာလျှင် ပြန်လည်စမ်းစစ်မိတော့
``ငါသည် အပြစ်လား..? ၊ အချစ်သည် အပြစ်လား…?´´ဆိုတဲ့
ေ၀၀ါးဝါးစကားလုံးလေးတွေကို တီးတိုးရေရွက်မိပြန်၏။

အရူးအမူးချစ်မိသူ ငါ့ကိုသာ ထပ်ခါတလဲလဲ အဖြေရှာကြည့်ပြန်တော့
သြော်….
ငါသည်ချစ်မိ အပြစ်ရှိ၏။


Written by
ချစ်စမ်း

ပြောပြပါရစေဗျာ...

posted under by chitsanm
အသိနယ်ပယ်မှာ နုနယ်ခေါင်းပါးတဲ့ ကျွန်တော်ရယ်လို့ဆိုရင် မှားမလား။ အပြုတရားကိုကျောခိုင်းပြီး ....... အမိုက်မိသူ တစ်ယောက်လို့ပဲဆိုရင် ကောင်းမလား။ အဲဒီ မလား မလား တွေရဲ့အလည်မှာ ကိုယ်စွမ်းနိုင်သ လောက် ဉာဏ်မီသမျှလေးတွေကို စဉ်းစား၊ ဝေဖန်ပြီး Blog ရဲ့ နယ်ပယ် ထဲမှာ `ချစ်စမ်း´ ဆိုတဲ့ ကိုယ်ပိုင် Nick လေးနဲ့ ရပ်တည်နေခဲ့တဲ့ Blogger ချစ်စမ်းပါ။

တင်ခဲ့မိသမျှ Posts တွေရဲ့ အမှား၊ အမှန်ကို ရေးသူနဲ့ ဖတ်သူ အယူ အဆလေးတွေများ လွဲမှားသွားခဲ့ရင် လည်း ဖြည့်စွက်နားလည်ပေးကြပေါ့။ ဘ၀ရဲ့အသိ အချစ်သံစဉ်လေးတွေကိုပဲ ဦးစားပေးပြီး တင်ပြနေမိသူ ကျွန်တော့်ကို စာဖတ် သူများအဖို့ အသုံးတည့်ခဲ့သူတွေရှိသလို အသုံးမတည့်ခဲ့သူတွေလည်း ရှိနေမှာပင်။ ဝေဖန် ထောက်ရှုသူတွေရဲ့ကြားမှာ တစ်ဖက်တစ်လမ်းကနေပြီး ရသစာပေလေးတွေနဲ့အတူ အပမ်း ပြေရာလေး ဖြစ်ချင်ဖြစ်သွားမယ်။ ရင်မောဖွယ်၊ မနှစ်မြို့ဖွယ်လေးတွေလည်း ဖြစ်ချင်ဖြစ် သွားမယ်။ ချစ်စမ်းကတော့ `ချစ်´ဆိုတဲ့ ခေါင်းစဉ်ရဲ့အောက်မှာ အချစ်အကြောင်းလေးတွေ ကို တင်ပြနေမိဦးမှာပင်။

စာပေရဲ့နက်ရှိုင်းမှု၊ အသိတရားရဲ့နက်ရှိုင်းမှုတွေရဲ့အောက်မှာ စာပေရဲ့အကြောင်းလေး ကိုတော့ ပြောပြချင်မိပါရဲ့။ `စာပေ´ မည်သည် လူသူမရွေး လမ်းကြောင်းပြောင်းလဲ သွားနိုင်မည့် ကြောက်စရာအကောင်းဆုံးသော အဘိဓာန်ကျမ်းကြီးသဖွယ်ဆိုလျှင် မှားမည်မထင်။ အဲဒီစာပေရဲ့အမည်နာမအောက်မှာ ကိုယ့်အတွေး၊ ကိုယ့်အရေးလေးတွေကို တင်ပြမိပြီဆိုလျှင် စာပေလေ့လာလိုက်စားပြီး၊ ဆင်ယင်ကျင့်သုံးသူများအတွက် နစ်နာမှု ကိုတော့ စာရေးသူတိုင်း လိုလားကြမှာမဟုတ်ပါဘူး။ စာရေးသူကတော့ ရေးမှာပဲ။ စာဖတ်သူ အနေနဲ့ကလည်း ရေးထားတဲ့စာသားတွေရဲ့ အမှန်၊ အမှားကို ကိုယ်ပိုင်ဆုံးဖြတ် ပိုင်ခွင့်ဆိုတာ ရှိနေပါတယ်။ ``ငါ.. ဒီစာကိုတင်ပြလိုက်ပြီ၊ ဒီစာက အမှန်ဆုံးပဲ´´ လို့ စာရေးသူအနေနဲ့ ထင်မြင်ယူဆမိရင် အစွန်းရောက်သွားမှာ အမှန်ပါ။

စာပေရဲ့ အကျိုးသက်ရောက်မှု၊ အဆိုးသက်ရောက်မှုဟာ လက်တွေ့ကြုံတွေ့ဖူးပါမှ အဖြေမှန်ဟာ ပေါ်စမြဲပါ။ အဲဒီတော့ ကျွန်တော် `ချစ်စမ်း´ အနေနဲ့ကလည်း မှန်တယ်၊ မှားတယ်၊ အကျိုးရှိတယ်၊ အကျိုးမရှိဘူးဆိုတဲ့ အနက်အဓိပ္ပါယ်တွေကို လစ်လျှူရှုပြီး Posts တွေကို တင်ပြနေခြင်းမဟုတ်ဘဲ၊ ကိုယ်စွမ်းသလောက် ရသစာပေလေးတွေကို တစ်ဖက်တစ်လမ်းက အကျိုးဖြစ်နိုင်လိမ့်မယ်အထင်နဲ့ ``ချစ်စမ်း´´ ဆိုတဲ့ Blog လေးကို တည်ထောင်လိုက်မိကြောင်း....။

စာရေးဆရာရဲ့ အတွေးအသိပဒေပသာမကြွယ်လှတဲ့ ကျွန်တော့်အတွေး၊ ကျွန်တော့်အရေးကိုတင်ပြမိခြင်း။

The History of Valentine's Day

posted under by chitsanm
တစ်နိုင်ငံလုံးတွင် ဖေဖေါ်ဝါရီလတိုင်းမှာ St. Valentine ၏ အထိမ်းအမှတ်နေနှင့် သကြား လုံးအချိုများ၊ ပန်းများနှင့် လက်ဆောင်များကို ချစ်သူအချင်းချင်း ဖလှယ်လေ့ရှိကြပါတယ်။ St. Valentine ဆိုသော ပဟေဠိဆန်နေတတ်သော Saint ဆိုသူများမှာ မည်သူနည်း။ သူ၏နေ့တွင် အဘယ်ကြောင့် ဂုဏ်ပြုပွဲပြုလုပ်ရသနည်း။ Valentine’s Day နှင့် ဤ Saint တို့၏ ရာဇ၀င်သည် လျှို့ဝှက်ချက်များနှင့် ပြည့်နှက်နေလေသည်။ သို့သော် ကျွန်ုပ်တို့သည် ဖေဖေါ်ဝါရီလသည် ကြည်နူးဆွတ်ပျံ့ဖွယ် ချစ်ခြင်းများနှင့် ထုံမွှန်နေမှန်း သိခဲ့ကြသည်။ St. Valentine’s နေ့သည် ခရစ်ယန်နှင့် ရောမခေတ်တို့၏ ရိုးရာဓလေ့များ၏ အငွေ့အသက်များ ပါနေလျှက်ရှိသည်။ St. Valentine သည် မည်သူနည်း။ သူသည် ဤရှေးရိုးထုံးတမ်းစဉ်လာနှင့် မည်သို့ ဆက်စပ်နေသနည်း။ ယနေ့ Catholic ဘုရားကျောင်းသည် Valentine (သို့မဟုတ်) Valentinus အမည်ရှိသော Saint သုံးဦးကို အသိအမှတ်ပြုထားသည်။

အဆိုတစ်ခု(ဒဏ္ဍာရီ / သမိုင်း)က ပြောသည်မှာ Valentine သည် တတိယရာစုနှစ်တွင် ရောမနိုင်ငံတွင်ရှိခဲ့သော ဘုန်း ကြီးတစ်ပါးဖြစ်သည်ဟု ဆိုထားသည်။ Claudius II ရှင် ဘုရင်က အိမ်ထောင်မရှိသော ယောက်ျားများသည် အိမ် ထောင်ရှိယောက်ျားများထက် ပို၍ကောင်းသော စစ်သားများ ဖြစ်သည်ဟုဆိုကာ၊ လူငယ်ယောက်ျားများအား အိမ်ထောင် မပြုရဟူသော အမိန့်ထုတ်လိုက်သည်။ ဘုန်းတော်ကြီး Valentine ကမူ ဤကဲ့သို့ တရားမျှသမှုမရှိသော ဥပဒေကို ဆန့်ကျင်ကာ၊ ချစ်သူများအား တိတ်တဆိတ် လပ်ထပ်ထိမ်းမြားပေးခဲ့သည်ကို ရှင်ဘုရင်ကြီး သိသွားသောအခါ သူ့အား သေဒဏ်အမိန့် ချမှတ်ခံလိုက်ရသည်ဟုလည်းကောင်း။

နောက်အဆိုတရပ်((ဒဏ္ဍာရီ / သမိုင်း)ကမူ၊ ဘုန်းတော်ကြီး Valentine သည် လွန်စွာ ရက်စက်၍ ညှဉ်းပမ်းနှိပ်စက်ခံရသော ရောမထောင်သားများကို လွတ်မြောက်ထွက်ပြေး စေရန် ကူညီမိခဲ့သည့်အတွက် အသတ်ခံရသည်ဟုလည်းကောင်း။

နောက်အဆိုတရပ်(ဒဏ္ဍာရီ / သမိုင်း)ကမူ၊ ဘုန်းတော်ကြီး Valentine သည် ပထမဦး ဆုံးသော Valentine နှုတ်ခွန်းစာကို သူကိုယ်တိုင်ရေးခဲ့သည်ဟုဆို၏။ သူသည် ထောင်ထဲတွင် ရှိစဉ် ထောင်မှူး၏ သမီးကို ချစ်ခင်နှစ်သက်မိပြီး မသေမီ သူမအား စာတစ်စောင်ရေးခဲ့သည်။ ပြီးလျှင် “From Your Valentine” ဟု ဆိုင်းထိုးခဲ့ရာ ၄င်း အသုံးအနှုံးကို ယနေ့ထက်တိုင် သုံးစွဲနေဆဲပင်ဖြစ်ပါသည်။

သူ၏ သမိုင်းကြောင်းရာဇ၀င်သည် မည်မျှပင် ရှုပ်ထွေးများပြားစေကာမူ၊ ဘုန်းတော်ကြီး Valentine သည် ကြင်နာတတ်သော၊ သူရဲကောင်းဆန်သော၊ ချစ်ခင်တတ်သောသူ ဖြစ်လေသည်။ ထို့ကြောင့် အလယ်ပိုင်းခေတ်များတွင် သူသည် အင်္ဂလန်နှင့် ပြင်သစ်တွင် ပေါ်လွင်ထင်ရှားသော Saint တစ်ပါးဖြစ်သည်ဟု ဆိုလျှင် မှားမည်ဟုတ်ပါ။

တချို့က Valentine’s Day သည် ဖေဖေါ် ၀ါရီလ အလယ်တွင် ကျင်းပရခြင်းအကြောင်း မှာ St. Valentine ( ၂၇၀ အေဒီတွင် ကွယ် လွန်သွားသော)၏ သေဆုံးခြင်းအထိမ်းအ မှတ်အတွက် အောက်မေ့ဘွယ် ကျင်းပသည် ဟု ဆိုကြသည်။

တချို့အဆိုအရမူ ဤ Valentine နေ့ကို ဖေဖေါ်ဝါရီလအလယ်တွင် ကျင်းပရခြင်းအ ကြောင်းမှာ ခရစ်ယန်ဘရားရှိခိုးကျောင်းက ဘာသာမရှိ အရိုင်းလူတို့အား ခရစ်ယန်ဘာ သာဘက် သိမ်းသွင်းရန် အလိုရှိသူတို့က Lupercalia ဟုခေါ်သော ပွဲတော်ကို ဖေဖေါ်ဝါရီလအလယ်တွင် တမင်ကျင်းပသည်ဟု ယူဆ ကြသည်။

ရောမခေတ်အခါက ဖေဖေါ်ဝါရီလသည် နွေဦးပေါက်စကာလဟု သတ်မှတ်ကာ ဤအချိန်တွင် သန့်စင်ခြင်းပြုလုပ်သည့်အချိန်ဟု သတ်မှတ်ကြသည်။ ထိုအချိန်တွင် အိမ်များကို လှဲကျင်း သန့်စင်ကြကာ၊ ဆားနှင့် spelt ဟုခေါ်သော ဂျုံတစ်မျိုးနှင့် တစ်အိမ်လုံးကို ကြဲဖြန့်ကြ သည်။ Lupercalia ပွဲတော်သည် ဖေဖေါ်ဝါရီ ၁၅ တွင် ကျင်းပပြီး၊ မျိုးစေ့ရှင်သန် စေခြင်းပွဲတော်ဟု ခေါ်ဆိုအပ်သည်။ ဤပွဲတော်သည် Faunus ဟုခေါ်သော လယ်ယာစိုက်ပျိုးရေးနှင့်ဆိုင်သော ရောမဘရားကို၎င်း၊ ရောမကို စတင်တည်ထောင်ခဲ့သည်ဆိုသော Romulus နှင့် Remus တို့ကို ဂုဏ်ပြုပွဲအထိမ်းအမှတ်လည်းဖြစ်သည်။ ထိုပွဲတော်ကို Luperci ဟုခေါ်သော ရာမဘုန်းကြီးဂိုဏ်းက ဦးဆောင်ကျင်းပသည်။ သူတို့သည် Romulus နှင့် Remus တို့ မွေးခါစက မြေခွေးမကြီးက စောင့်ရှောက်ထားသည်ဟူသော ဂူကြီးတစ်ခုတွင်နေကြပြီး၊ မျိုးဆက်ရှင်သန်စေရန်အတွက် ရည်ရွယ်၍ ဆိတ်ကိုယဇ်ပူဇော်ပြီး၊ သန့်စင်ခြင်းအထိမ်း အမှတ်အဖြစ် ရည်ရွယ်၍ ခွေးကို ယဇ်ပူဇော်ကြသည်။

ထို့နောက် ယောက်ျားလေးများက ဆိတ်၏အ ရေခွံကို လှီးဖြတ်ကာ ယဇ်ပူဇော်ထားသော သွေးထဲနှစ်ပြီး၊ လမ်းတကာ လမ်းတွင်တွေ့ သော မိန်းမများနှင့် လယ်ခင်း၊ ယာခင်းများကို ထိုသွေးလူးထားသော အရေခွံများနှင့် အသာ အယာရိုက်ကြသည်။ ရောမမိန်းမများက လည်း ထိုသို့ပြုလုပ်ခြင်းခံရသည်ကိုမကြောက် ရွံ့ သည့်အပြင်၊ ထိုအရေခွံများနှင့် ထိရသည့် အတွက် နောင်လာမည့်နှစ်များတွင် သူတို့ပို၍ မျိုးဆက်အောင်မြင်စေမည်ဟု ယူဆကာ ၀မ်းမြောက်စွာလက်ခံကြလေသည်။

ထို့နောက် နေ့လည်တွင် မြို့တွင်းရှိ မိန်းမပျိုအားလုံးက သူတို့၏နာမည်များကိုရေးကာ အလွန်ကြီးမားသော အလွန်ကြီးမားသော အိုးကြီးထဲတွင် ထည့်လိုက်ကြသည်။ ထို့နောက် အိမ်ထောင်မရှိသော ယောက်ျားလေးများက အိုးကြီးထဲမှ နာမည်များကို တစ်ဦးစီ ရွေးကြကာ၊ ထိုမဲပေါက်သော မိန်းကလေးနှင့် ယောက်ျားလေးတို့သည် ထိုနှစ်အတွက် အတွဲအဖြစ်သတ် မှတ်လိုက်ကြသည်။ ထိုသို့ တွဲဖက်ခြင်းခံရသူများသည် နောက်ဆုံးတွင် လက်ထပ်ထိမ်းမြားမှု အဆင့်သို့ ရောက်ရှိသွားကြသည်။

ထိုအချိန်တွင် (အေဒီ ၄၉၈ တွင်) ပုပ်ရဟန်းကြီး Gelasius (ဂျလေးစီးယပ်စ်)က ဖေဖေါ်ဝါရီ ၁၄ ရက်ကို St. Valentine’s Day ဟု ခေါ်တွင်စေသည်။ ထို့နောက် ရောမသားများ၏ မဲဖေါက်ရန် ယောက်ျား၊ မိန်းမအတွဲတွဲပေးခြင်း စနစ်ကို ခရစ်ယန် ဘာသာနှင့် မအပ်စပ်သောကြောင့် တရားမ၀င်ဟု ကြေငြာလိုက်သည်။

ပြင်သစ်နှင့် အင်္ဂလန်တို့တွင် ဖေဖေါ်ဝါရီ ၁၄ သည် ငှက်များစတင်မိတ်လိုက်သည့်နေ့ ဖြစ်သောကြောင့်၊ ထိုအကြောင်းအရာကိုအစွဲပြု၍ ဖေဖေါ်ဝါရီလ အလယ် ၁၄ ရက်တွင် ကျရောက်သော St. Valentine’s Day သည်လည်း အချစ်များနှင့် ပြည့်နှက်ထုံမွှန်စေရမည်ဟု ဆိုထားကြသည်။

နှစ်အကြာဆုံး valentine အထိမ်းအမှတ်ကဗျာတစ်ခုသည် ယခုအထိ London ရှိ British စာကြည့်တိုက်တွင် ယခုတိုင် ရှိနေပါသည်။ ထိုကဗျာသည် Orleans (အော်လင်း)မြို့စား Charles က (၁၄၂၅ တွင် Agincount တိုက်ပွဲတွင် အဖမ်းခံရပြီး ဗြိတိန်တာဝါ (Tower of London) တွင် ထိမ်းချုပ်ခံရစဉ်) သူ၏ ဇနီးကို ရေးသားပေးပို့သော စာဖြစ်သည်။

ထိုဖြစ်ရပ်အပြီးနောက် နှစ်ပေါင်းသိပ်ပြီးမကြာခင်မှာပင်၊ အင်္ဂလန်ဘုရင် ပဥမမြောက် ဟံနရီ က စာရေးဆရာ John Lydgate ကို ငှားရမ်းကာ Valois မြို့မှ Catherine ထံ Valentine အချစ်သ၀ဏ်လွှာရေးသားစေသည်။

ဂရိဇ် ဗြိတိန်တွင် Valentine’s Day သည် ၁၇ ရာစုမှ စ၍ အနှံ့အပြားစတင်ကျင်းပကြသည်။ ၁၈ ရာစုအလယ်ပိုင်းတွင်မူ လူအတန်းအလွှာပေါင်းစုံရှိ သူငယ်ချင်းနှင့်ချစ်သူများကြား ထိုနေ့တွင် လက်ဆောင်များ၊ လက်ရေးမူများနှင့် ရေးထားသောစာများ အပြန်အလှန်ဖလှယ် နေကြပြီဖြစ်သည်။ ၁၈ ရာစုနှောင်းပိုင်းတွင် ပုံနှိပ်စက်များ ပေါ်ပေါက်လာပြီးဖြစ်၍ လက်ရေး နှင့်ရေးသောစာအစား ပုံနှိပ်ထားသောကဒ်များက အစားထိုးလာပါသည်။ ထိုစဉ်အခါက မိမိ၏ခံစားချက်များကို တိုက်ရိုက်ထုတ်ဖေါ်ပြောဆိုသောဓလေ့မှာ သိပ်ပြီးမရှိကြသောကြောင့် အသင့်ရေးထားသော ကဒ်ပြားများဖြင့် မိမိ၏ခံစားချက်များကို ဖေါ်ပြကြသည်။ စာပို့ခများ ကလည်း သက်သာသောကြောင့် Valentine Card များကို လူအမြောက်အမြားက အချင်းချင်းပို့ကြသည်။

အမေရိကန်လူမျိုးများသည်လည်း လက်ဖြင့်ပြုလုပ်သော Valentine လက်ဆောင်များကို ၁၇ ရာစုနှစ်စပိုင်းကစ၍ ဖလှယ်ကြသည်။ ၁၈၄၀ တွင် အမေရိကန်၌ Esther A ( အက်စသာ အေ) ဟော်လန်က Valentine Card အမြောက်အမြားကို ပထမဆုံးစတင်ထုတ်လုပ်လိုက်သည်။

Greeting Card Association (အဖွဲ့)၏ အဆိုအရ ဘီလီယံများသော Valentine Card များကို နှစ်စဉ် ပို့ကြဖလှယ်ကြသည်။ Valentine’s Day သည် နှစ်စဉ် လူအများ ဒုတိယအများဆုံး Card ပို့သော နေ့ဖြစ်သည်။ (ခရစ်စမတ်တွင် ၂.၆ ဘီလီယံကဒ်များပို့ ကြသည်။) ၈၅% သော Valentine’s Card များကို မိန်းမများက၀ယ်ကြသည်။ Valentine’s Day ကို အမေရိကအပြင်၊ Canada, Mexico, United Kingdom, France နှင့် Australia တို့တွင် ကျင်းပကြသည်။

ထို့ကြောင့် Valentine’s Day နှုတ်ဆက်ခြင်းသည် အလယ်ခေတ်မှာပင် ပေါ်ပြူလာ ဖြစ်လာသည်။ သို့သော် ၁၄၀၀ နောက်ပိုင်းမှာမူ စာဖြင့်ရေးသားသော Valentine ပေါ်ပေါက်လာသည်။ နှစ်အကြာမြင့်ဆုံးသော Valentine Card ကို British Museum တွင်း ပြသထားသည်။

ပထမဆုံးသော ထုတ်လုပ်ရောင်းချသော Valentine Card ကို USA တွင် ၁၈၄၀ ခုနှစ်တွင် Esther A. Howland က စတင်ပြုလုပ်သည်။ Howland ကို Valentine အမေဟု ခေါ်တွင်ပြီး၊ စာများ၊ ဖဲပြားများ၊ ရုပ်ပုံများနှင့် ဝေဆာစွာ ပြုလုပ်ထားကြသည်။

ကဗျာကဏ္ဍ(၁၃)

posted under by chitsanm

ဥာဉ် (သို့) စရိုက်

တစ်နေ့ကပေါ့
နွေးထွေးလွန်းတဲ့
`အမေ့´ဂေဟာထဲကနေ ရှုမငြီးနိုင်လွန်းတဲ့
သဘာဝဆိုတဲ့တရား ... ဒါကိုခံစား ...

ဒီအခိုက်လေးမှာတင်
ပန်းပွင့်တွေအနား ပျားတွေအကြားမှာ
ပျော်နေရှာတဲ့ အသီးတစ်လုံး...
ကြွေကျ... မြေခခဲ့တာ မြင်လိုက်ရ
ကြွေချိန်တန်လို့လား ခဲပျံကြောင့်မို့လား...

ဒါပေမယ့်...
ငါသိခဲ့တာ သဘာဝ သဘာဝဆိုတဲ့...
ဒီတရားကြောင့်သာဖြစ်မှာပါ...။

ဒီလိုပဲလေ...
နောက်... တစ်နေ့မှာ
(သိပ်)နွေးထွေးတဲ့မေတ္တာ `အမေ့´မေတ္တာ
ဒီမေတ္တာကို ဥပေက္ခာပြု
ဒေ၀ီတစ်ပါးရဲ့ ဆွဲဆောင်မှုကြောင့်ပေါ့...
အမေ့ရဲ့ယုယမှုကို ကျောခိုင်း...
အမေ့ရဲ့ရင်ခွင်ထဲကို သူစိမ်းဆန်ဆန်ကြည့်ခဲ့...

ဒါပေမယ့်... နှလုံးသား
သွေးချောင်းစီးလည်း
သွေးမွန်းပြီးမသေသွားတာ (သိပ်)ကံကောင်းတယ်...
ဒါလည်း... ဖူးစာလွဲလို့လား...?
လမ်းခွဲချင်လို့လား...?
ကျိန်းသေတာတော့ ငါသိထားတဲ့တရား...
သဘာဝကြောင့်များလား...?

ဒီလိုနဲ့
နောက်တစ်နေ့ရဲ့ မနက်ဖြန်မှာပေါ့...
ရင်ထဲက`အချစ်´ ဒီအချစ်ရဲ့
မြေဆီ(သြဇာ)တွေနဲ့
ပျိုးထားတဲ့ မေတ္တာပင် နုပျိုစဉ်မှာတင်
အမြစ်ပါမကျန်အောင် အနှုတ်ခံလိုက်ရ...
ဒါကတော့
ငါသိထားတဲ့တရား မလွဲမှားပေမယ့်
သူ့ပယာဂ...သူ့သဘာဝဆိုတာတော့
သေချာတယ်။ ။


Written By
Frankenstein

ချစ်ခဲ့ကြပါသည်... သို့သော်...

posted under by chitsanm
ပြီးဆုံးခဲ့တဲ့အဖြစ်အပျက်တွေရဲ့အချိန်တွေကို မေ့ပစ်နိုင်ဖို့ ငါ့မှာစွမ်းအားမရှိခဲ့ပါဘူး။ နှလုံး သားရဲ့ ခံစားမှုအတိမ်အနက်ကြောင့်ပင်.. ရူးသွပ်ခဲ့ဖူးသည်ဆိုလျှင်မှားမည်မထင်။ မမေ့ အပ်သောချစ်သူ၊ မတမ်းတကောင်းသော အခြေအနေမို့ သတိရဖြစ်ခြင်းတွေကို အိပ် မက်အဖြစ် မှတ်ယူတမ်းတနေမိတယ်လေ။

သူ့ရဲ့အကြည့်တစ်ချက်အထိမှာ အငိုက်မိ သွားသူက.. ငါ။ သူ့ရဲ့ညွှတ်ကွင်းအစုံတွင်း ဘယ်လိုမှ ရုန်းထွက်လို့မရနိုင်တော့လို့ ၊ အပြုံးပန်းတစ်ပွင့်ကြောင့်အရှုံးဆိုတာ မတွေး တောမိဘဲ မမုန်းတမ်းချစ်ရဖို့ ကြိုးစားခဲ့ သူက ငါရယ်ပါ...။

သူ့ရဲ့တုန့်ပြန်မှု ကမ်းလင့်အချစ်လေးကိုရခဲ့ ပြီးတဲ့နောက် နှလုံးသားအတွက် ပြီးပြည့်စုံတဲ့ အပျော်ရွှင်ဆုံးနေ့လေးတွေပေါ့။ ကိုယ့်အပေါ် ထားခဲ့တဲ့အချစ်၊ ကိုယ့်အပေါ်ထားခဲ့တဲ့သံယောဇဉ်တွေကြောင့် တစ်ယောက်နဲ့တစ်ယောက် သံယောဇဉ်အခြေခိုင်မြဲခဲ့ကြလေတယ်။ တစ်ဦးနဲ့တစ်ဦး တွေ့နေကြနေရာလေးကပင် ကိုယ် တို့နှစ်ဦး မဆုံဖြစ်ခဲ့ကြလျှင် အထီးကျန်ဆန်လွန်းနေသည့်အလားပေါ့။ ရက်ရှည်လများ ကြာခဲ့သည့်တိုင် သူနှစ်ကိုယ် သံယောဇဉ်တွေက ပိုပြီးခိုင်မြဲနေလေရဲ့။

ဒါပေမယ့် နှစ်ဦးစလုံးမျှော်လင့်မထားတဲ့ အခြေအနေလေးတစ်ခုသို့ ရောက်ရှိခဲ့ပြီလေ။ ကိုယ်ကလည်း သူ့ကိုချစ်ပါသည်... သူကလည်း ကိုယ့်ကိုချစ်ပါသည်... (သို့သော်....) ဆိုတဲ့ စကားလုံးလေးရဲ့ အဓိပ္ပါယ်ဖွင့်ဆိုချက်ကို ပြန်လည်တမ်းတမိတိုင်း ချစ်ရက်မှသည် လွမ်းရက်ကယ် ရှည်စေခဲ့ပါသလား။

Subscribe to: Posts (Atom)
top
© Chitsanm's Blog - Web 2.0 Blogger Template Dark by Jack Book and Dezinerfolio